“Facebook” COVID-19 haqqında yalnış məlumat yayılmasına qarşı siyasəti pozduğuna görə Venesuela prezidenti Nikolas Maduronun sosial şəbəkədəki hesabını dondurub.
“Ümumdünya Səhiyyə Təşkilatı hazırda bu virusu müalicə edəcək bir dərman olmadığını söyləyir və biz bu siyasəti izləyirik. Qaydalarımızı dəfələrlə pozduğu üçün prezidentin səhifəni 30 gün ərzində dondururuq”, – “Facebook”un sözçüsü deyib.
O əlavə edib ki, bu barədə Maduro Administrasiyası artıq məlumatlandırılıb.
“Facebook” rəsmisi bildirib ki, bu məhdudiyyət Venesuela prezidentinin “Instagram” hesabına tətbiq olunmur.