14 C
Baku
Çərşənbə, Dekabr 8, 2021

“Facebook” yayılan iddialarla bağlı açıqlama verib

“Facebook” sosial şəbəkəsi adının dəyişməsi ilə bağlı məlumatları təkzib edib.

Banker.az xəbər verir ki, “Biz şayiələr və spekulyasiyaları şərh etmirik”, – deyə “Facebook”un rəsmi nümayəndəsi Co Osborn söyləyib.

Xatırladaq ki, oktyabrın 19-u qərb KİV-in məlumatına istinadən “Facebook”un gələn həftə adını dəyişmək istədiyi barədə xəbər yayılıb. Ad dəyişikliyi şirkətin metakainat yaratmağı planlaşdırması ilə əlaqəli olduğu bildirilib.

Oktyabrın 17-si sosial şəbəkə Avropa Birliyində metakainat işə salmaq üçün 10 min yeni işçi götürəcəyini açıqlayıb. “Facebook” bu investisiyanın “Avropa texnologiya sənayesini və texniki istedadının potensialını gücləndirəcəyini” bildirib.

Avqustun 20-si “Facebook”un qurucusu Mark Çukerberq yeni virtual reallıqda iş sahələri yaratmağa və komanda görüşlərini simulyasiya etməyə imkan verəcək “Horizon Workrooms” xidmətinin istifadəyə verildiyini qeyd edib.

Son xəbərlər
Oxşar xəbərlər
X