Manhettendə baş verən dəhşətli helikopter qəzasında Siemens şirkətinin yüksək vəzifəli rəhbəri və ailəsi faciəvi şəkildə həyatlarını itirdilər.
Hadisə aprelin 10-da yerli vaxtla saat 15:17-də Hudzon körfəzində üzərində baş verib. Siemens-in İspaniya və Cənub-Qərbi Avropa üzrə bölmə rəhbəri Aqustin Eskobar, həyat yoldaşı Mers Kamprubi Montal və onların 4, 5 və 11 yaşlı üç övladı turist səfəri çərçivəsində helikopter turuna çıxdıqları zaman həyatlarını itirdilər. ABC News-un məlumatına görə, qəzanın altıncı qurbanı 36 yaşlı pilot olub, lakin onun kimliyi hələ açıqlanmayıb.
Rəsmi məlumatlara əsasən, Bell 206L-4 LongRanger IV model helikopter Wall Street Helipad meydançasından havaya qalxdıqdan cəmi 15 dəqiqə sonra qəzaya uğrayıb. Helikopter Corc Vaşinqton körpüsünə çatdıqdan sonra cənuba dönərkən hadisə baş verib. Həmin gün bu, eyni helikopterin altıncı uçuşu olub.
