ABŞ Federal Ehtiyat Sisteminin (FED) sədri Cerom Pauell Ağ evdə ABŞ Prezidenti Donald Trampla görüşüb. Banker.az bu barədə Report-a istinadən xəbər verir.
Görüş zamanı C.Pauell FED-in qeyri-siyasi qərarlar qəbul etmək niyyətini açıqlayıb. O əlavə edib ki, FES pul-kredit siyasətini maksimum məşğulluq və sabit qiymətləri dəstəkləmək məqsədi ilə həyata keçirəcək.
Görüşdə həmçinin FED rəhbərinin müavini Riçard Klarida və ABŞ-ın maliyyə naziri Stiven Mnuçin iştirak ediblər.
ABŞ KİV-inin məlumatına görə, D.Tramp hazırda ABŞ Prezidenti olmağa keçmiş namizəd Herman Keynin FED rəhbərliyinə gətirilməsi məsələsini nəzərdən keçirir.
O, 2011-ci ildə prezidentlik yarışında iştirak edib, lakin iki qadına qarşı cinsi təcavüz ittihamları ilə əlaqədar kampaniyasını dayandırmaq məcburiyyətində qalıb.
