“FINCA Azerbaijan” Qeyri-Bank Kredit Təşkilatı Dünya Azərbaycanlılarının Həmrəylik Günü və Yeni İl Bayramı ərəfəsində Gəncə, Salyan, İsmayıllı və Bakıda yerləşən uşaq və qocalar evlərində bayram şənlikləri təşkil etmişdir.
“FINCA Azerbaijan”ın müxtəlif filialları Salyan şəhəri İnternat Məktəbində, İsmayıllı şəhəri Uşaq və Ailə Mərkəzində, Gəncə şəhərində fəaliyyət göstərən uşaq evində, Xəzər rayonunun Binə qəsəbəsində yerləşən Müharibə Əlilləri pansionatında və Mərdəkan qəsəbəsində yerləşən Xəzər Təlim və Ailə-Məsləhət Mərkəzində qeydiyyatda olan uşaqlar və qocalar üçün xoş bayram əhval-ruhiyyəsi yaratmağa çalışmışdırlar. “FINCA Azerbaijan”ın filialları tərəfindən 700 nəfər üçün bayram sovqatları və hədiyyələr təqdim edildi, həmçinin, musiqili-əyləncəli şənliklər və oyunlar keçirildi.
