Finlandiya prezidenti Sauli Niynistö NATO-nun Baş katibi Yens Stoltenberqə məlumat verib ki, İsveç alyansa üzv olmadığı təqdirdə Finlandiya da üzvlükdən imtina edəcək, Banker.az bu barədə xarici mediaya istinadən xəbər verir.
“Mən deyirəm ki, İsveç məsələsi bizim işimizdir. Bu o deməkdir ki, biz əl-ələ verib irəliləyəcəyik”, – deyə Finlandiya prezidenti bildirib.
Bazar günü, iyunun 12-də Yens Stoltenberq Finlandiyanın Şimali Atlantika Alyansına qoşulması məsələsini müzakirə etmək üçün Finlandiya prezidentinin Kultarantada yerləşən yay iqamətgahına baş çəkib.
Türkiyə bu ölkələrin NATO-ya daxil olmasına qarşı çıxır. Türkiyə prezidenti Rəcəb Tayyib Ərdoğan bir müddət əvvəl demişdi ki, Türkiyə qadağan olunmuş Kürdüstan Fəhlə Partiyasının nümayəndələri ilə münasibətlərlə bağlı onların təminatlarına etibar edə bilməz.
