Finlandiya iyun ayında NATO-ya üzv olmaq üçün müraciət edəcək, onun ardınca İsveç. Britaniya qəzetinin Vaşinqtondakı həmsöhbətləri bildiriblər ki, ölkələrin alyansa üzvlüyü NATO xarici işlər nazirlərinin danışıqlarında söhbət və görüşlər üçün mövzu olub.
Banker.az xəbər verir ki, bu barədə “Times” qəzeti məlumat verib.
Finlandiya və İsveç alyansın kəşfiyyat məlumatlarının toplanması və hava qüvvələrinin səylərindəki imkanlarını genişləndirəcək. Onlar iki ölkənin NATO-da “əsl oyunçulara” çevriləcəyinə inanırlar.
Rusiya Federasiyası Prezidentinin mətbuat katibi Dmitri Peskov bir müddət əvvəl Finlandiya və İsveçin NATO-ya daxil olmasını Rusiya üçün ekzistensial təhlükə hesab etmədiyini bildirib.
Finlandiya və İsveç neytral statusdadır. Ukraynada hərbi əməliyyatlar başlayandan sonra bu ölkələrin hakimiyyət orqanları NATO-ya üzv olmaq imkanlarını müzakirə etməyə başlayıb. Alyansın baş katibi Yens Stoltenberq bildirib ki, NATO Finlandiya və İsveçi nisbətən tez qəbul edə biləcək.
