“Finoko” bank olmayan kredit təşkilatı ASC 2022-ci ili də xalis mənfəətlə bitirdiyini açıqladı.
Banker.az xəbər audit hesabatına istinadən verir ki, BOKT 2022-ci ildə illik müqayisədə faiz gəlirlərini 14% artırmaqla 6.55 milyon manat manata, faiz xərclərini də eyni dinamika ilə artırmaqla 2.39 mln. manata yüksəlib.
BOKT-un inzibati və ümumi xərcləri 2.51 mln. manat olmuşdur. Öncəki il bu 2.3 mln. manat idi.
Beləliklə, bütün gəlir və xərclər və ayırmaların fərqi ilə 1.4 mln. manat xalis mənfəət olub. Bu da öncəki 1.41 mln. manatdan idi.
Bu xalis mənfəətdən sonra 1 yanvar 2023-cü il tarixinə BOKT-nin bölüşdürülməmiş mənfəətinin həcmi 4.99 mln. manata yüksəlib.
Qeyd edək ki, “Finoko” BOKT ASC-nin səhmdarları Əliyev Elçin Rəşid oğlu (242 750 səhm, nizamnamə kapitalında payı 50%) və Əliyev Elmar Rəşid oğludur (242 750 səhm, nizamnamə kapitalında payı 50%).
