“Fitch Ratings” beynəlxalq reytinq agentliyi Venesuelanın kredit reytinqini azaldıb.
Bu barədə “Fitch” məlumat yayıb. Bildirilir ki, agentlik Venesuelanın kredit reytinqini bir pillə azaldaraq “CCC” səviyyəsindən “CC”yə endirib. Buna səbəb kimi Venesueladakı qeyri-müəyyən siyasi proseslər və ABŞ-ın avqustun 25-dən etibarən bu ölkəyə qarşı tətbiq etməyə başladığı əlavə iqtisadi sanksiyalar göstərilib.
“Fitch Ratings” keçən il ölkənin iqtisadi artımının 18,6 faiz gerilədiyini qeyd edib. Agentlik bu il isə bunun daha 5,5 faiz azalacağını proqnozlaşdırır.
