“Fitch” agentliyi Ukraynanın xarici valyutada uzunmüddətli defolt reytinqini “RD”dən (məhdud defolt) “CC”yə (çox yüksək kredit riski) yüksəldib, bu barədə agentliyin saytında deyilir.
“RD” səviyyəsinə enmə ötən həftə ölkənin xarici borcu üzrə ödənişlərin 2024-cü ilə qədər təxirə salınması səbəbindən baş verib. Reytinq agentliyi təxirə salınmanı çətin borc dəyişdirmə (“DDE”) prosesi hesab edib.
Banker.az bu barədə “RBC”ya istinadən xəbər verir.
“Bloomberg” Ukrayna Maliyyə Nazirliyinin məlumatlarına istinadən yazıb ki, hal-hazırda ölkənin xarici borcu 19.6 milyard dollar təşkil edir.
