ABŞ prezidenti Donald Trampın təxmini sərvəti 2024-cü ildə iki dəfə artaraq 2.3 milyard dollardan 5.1 milyard dollara yüksəlib, “Forbes” yazır. Nəşrin məlumatına görə, o, bunu kriptovalyutaya uğurlu investisiya sayəsində bacarıb.
Cənab Trampın sərvətinin əsas hissəsini “Forbes”in 2.3 milyard dollar dəyərində qiymətləndirdiyi “Trump Media and Technology Group” təşkil edir. Bunun əhəmiyyətli bir hissəsi Ağ Evin daşınmaz əmlaka (1.1 milyard dollar), qolf klublarına və kurortlara (1.1 milyard dollar) və likvid aktivlərə (770 milyon dollar) investisiyalarından gəlir.
Cənab Trampın həm də hüquqi məsuliyyəti var: 2025-ci ilin martına kimi o, məhkəmə qərarları üzrə təxminən 590 milyon dollar ödəməlidir, “Forbes” yazır.
2025-ci ildə “Tesla” və “SpaceX”in qurucusu İlon Mask “Forbes”in planetin ən varlı adamları reytinqində birinci yerə qayıdıb. Ötən il siyahıya başçılıq edən LVMH-nin baş direktoru Bernar Arno beşinci yerə düşüb. İlk üçlüyə həmçinin “Meta”nın yaradıcısı Mark Zukerberq daxil olub.
