“Apple” üçün komponentlərin əsas təchizatçısı olan “Hon Hai Precision Industry Co.” (“Foxconn Technology”) şirkəti ardıcıl ikinci rüb gəlirini artırıb. O, əldə etdiyi uğurlu nəticəni süni intellekt avadanlığının satışına borcludur ki, bu da iPhone və digər elektronikaya olan zəif tələbatı kompensasiya etməyə kömək edir.
Dördüncü rübün sonunda “Foxconn”un xalis mənfəəti illik müqayisədə 33% artaraq 53.2 milyard Tayvan dollarına (1.7 milyard ABŞ dolları) çatıb. “Bloomberg”in orta hesablamasına istinad etdiyi analitiklər artımın 43.8 milyard Tayvan dollarına çatacağını gözləyirdilər.
“Bloomberg Intelligence”nin analitiki Robert Lia qeyd edir ki, biznes dördüncü rübdə qismən süni intellektə yönəlmiş seqmentin təsiri ilə yaxşı nəticələr əldə edib. Bununla belə, 2023-cü il ümumilikdə nisbətən zəif olub. Bu il “Foxconn” üçün daha yaxşı olmalıdır, çünki onun əsas müştəriləri daha çox alış-veriş etməyə başlayır, ekspert izah edir. Mart ayında bildirildi ki, şirkət çoxdankı partnyoru “Hewlett-Packard”dan böyük sifariş alıb.
“JP Morgan” proqnozlaşdırır ki, süni intellekt avadanlığına artan tələb ilin əvvəlindən bəri “Foxconn” səhmlərinin 15%-dən çox bahalaşmasına səbəb olub. Onlar şirkətin gəlirinin və süni intellektdən əldə etdiyi ümumi mənfəətin payının 2025-ci ildə 10-12% olacağını gözləyirlər.
