Fransa 2024-cü ilin fevralında Rusiya qazının əsas alıcısına çevrilib.
Bu barədə “RİA Novosti” məlumat yayıb.
Bildirilib ki, ötən ay Macarıstan bu mövqedə çıxış edirdi.
Belə ki, fevral ayında Fransa Rusiyadan 322.3 milyon maye qaz (LNG) alıb ki, bu da yanvar ayı ilə müqayisədə 10 faiz çoxdur.
Fevralda Macarıstan Rusiya qazının idxalını üçdə bir azaldıb 210 milyon avroya çatdıraraq ikinci yerə enib. İspaniya 118.3 milyon avro dəyərində LNG idxalı ilə liderlər arasında üçüncü yerdədir.
Yunanıstan fevralda Rusiyadan qaz alışını ən çox – 7.8 dəfə artıraraq 110.4 milyon avroya çatdırıb. Finlandiya və İsveç alışlarını iki dəfə artıraraq müvafiq olaraq 6.6 və 4.7 milyon avroya çatdırıb.
