30 C
Baku
Friday, July 19, 2024

Fransa XİN başçısı Rusiya ilə dialoqun vacibliyindən danışıb

Fransa Rusiya ilə dialoqun qorunub saxlanılmasını vacib sayır və onun izolyasiya olunmasına qarşıdır.

Bunu Fransanın xarici işlər naziri Katrin Kolonna “France İnter” radiosunun efirində müsahibəsi zamanı deyib.

O, Rusiya prezidenti ilə kommunikasiya kanallarının mövcudluğunun zəruriliyini vurğulayıb: “Rəsmi Paris Kreml ilə danışıqların aparılmasını vacib hesab edir”.

Kolonna Rusiyanın dialoqdan izolyasiya olunmasını ən pis siyasi gediş adlandırıb: “Əlaqələrin qorunub saxlanılması Zaporojye AES-ə Atom Enerjisi üzrə Beynəlxalq Agentlik (AEBA) nümayəndə heyətinin göndərilməsinə şərait yaratdı və dialoq nəticələr əldə olunmasına kömək edir”.

“Vaxt gələcək ki, münaqişə bitəcək. Ola bilər ki, uzun zaman çəksin. Rusiya isə hər zaman bizim qonşumuz olaraq qalacaq” – deyə XİN rəhbəri Rusiya ilə münasibətləri dəyərləndirib.

MənbəApa
Son xəbərlər
Digər xəbərlər