Fransanın Maliyyə Nazirliyi yerli startapların xarici şirkətlər tərəfindən udulmaqdan qorumaq üçün 150 milyon avroluq (170 milyon dollar) fond yaradır.
Banker.az xəbər verir ki, bu haqda mənbələrə istinadən “Bloomberg” yazır.
Nəşrin qeyd etdiyi kimi, böhran şəraitində problemlərlə üzləşən texnoloji startaplar xarici şirkətlərin “qurbanı” ola bilər. Hökumət 2021-ci ilədək fondun həcmini 500 milyon avroya qədər artıra biləcəyini bildirib. Bu maliyyə aləti Fransanın 2020-ci ilin martında elan etdiyi texnologiya sənayesinə dəstək planının bir hissəsidir.
Xatırladq ki, mart ayında Fransanın rəqəmsal inkişaf naziri olan Sedrik O, startapların ölkədəki iş yerlərinin 16-20%-ni təmin etdiyini bildirmişdir. Onun sözlərinə görə, məhz bu səbəbdən yerli startaplara dəstək olmaq çox vacibdir.
