“Gabala Hospitality Group” şirkətində yeni təyinat olub.
Banker.az xəbər verir ki, Ramin Qurbanov “Gabala Hospitality Group” şirkətinin baş icraçı direktoru vəzifəsinə təyin olunub.
O, 2024-cü ilin sentyabr ayından 2026-cı ilin may ayına kimi “Gabala Hospitality Group”un Əməliyyat üzrə baş direktoru kimi çalışıb.
Ramin Qurbanov 2005–2010-cu illərdə Qafqaz Universitetində Biznesin idarə edilməsi və menecment ixtisası üzrə bakalavr dərəcəsi almışdır. Bremen Tətbiqi Elmlər Universitetində 2010–2011-ci illərdə Beynəlxalq turizmin idarə edilməsi ixtisası üzrə MBA dərəcəsinə yiyələnib.
Xatırladaq ki, “Gabala Hospitality Group” 1 oktyabr 2019-cu il tarixindən fəaliyyət göstərən, Qəbələ bölgəsində yerləşən “Qafqaz” otellər zəncirinə aid üç otelin, “Tufandağ” Qış-Yay Turizm İstirahət Kompleksinin, “Qəbələnd” Əyləncə Parkının və Qəbələ Atıcılıq Klubunun idarəedici şirkətidir.
