®Gardashlar Mebel 2025-ci il üçün qlobal arenada mövqeyini gücləndirmək məqsədilə mühüm addımlar atmağı planlaşdırır. 2020-ci ildən etibarən ABŞ-a mebel ixracına başlayan şirkət, beynəlxalq bazarlarda tanınmış bir Azərbaycan brendi kimi möhkəmlənməkdədir. Şirkət üçün bu il qlobal bazar iştirakını genişləndirmək və innovativ həllər təqdim edərək yeni tərəfdaşlıqlar qurmaq əsas prioritetlərdən biridir.
Gardashlar Mebel-in bu ilki strategiyası qlobal bazarda müştərilərinin diqqətini çəkəcək məhsullar təqdim etməyə yönəlib. Bu məqsədlə şirkət smart masalar kimi texnoloji yenilikləri diqqət mərkəzinə çəkir. Bu masalar funksionallığı ilə yanaşı, estetik görünüşü ilə də fərqlənir. ABŞ bazarındakı uğurları əsas götürərək, Gardashlar Mebel artıq Avropa, MDB və Asiya bazarlarına da çıxışını genişləndirmək niyyətindədir. MDB ölkələri ilə əməkdaşlığın artırılması, regional tələblərə uyğun məhsulların təqdim edilməsi bu strategiyanın əsas istiqamətlərindəndir.
Yerli istehsalın inkişaf etdirilməsi və milli iqtisadiyyatın dəstəklənməsi Gardashlar Mebel-in əsas hədəflərindəndir.. Şirkət, idxaldan asılılığı azaltmaq məqsədilə yüksək keyfiyyətli və yerli istehsal olan mebellər təqdim edərək, Azərbaycanın sənaye potensialını beynəlxalq səviyyədə tanıdır. İstehsal prosesində ekoloji davamlılıq əsas yer tutur. Gardashlar Mebel, məhsullarının hazırlanmasında ətraf mühitə zərər verməyən, ekoloji təmiz materiallardan istifadə edir və bu yanaşmanı öz fəaliyyət strategiyasının ayrılmaz hissəsi kimi görür. Yanaşma isə istehsal prosesində əsas prinsiplərdən biridir.
Şirkət qlobal bazarlarda daha geniş miqyasda tanınmaq üçün kompakt və daşınması asan mebellər istehsal etməyə yönəlmişdir. Hazırda Gardashlar Design Studio tərəfindən kompakt məhsullardan ibarət kolleksiya hazırlanır. Bu məhsullar xüsusilə otellər, restoranlar və sənaye mərkəzləri üçün ideal həllər təqdim edir. Xarici ölkələrdə həyata keçirilən iri layihələrdə, o cümlədən otel və restoranların mebellə təchizatı sahəsində Gardashlar Mebelin mükəmməl iş bacarığı və etibarlılığı təsdiq edilmişdir. Şirkətin geniş məhsul portfeli və təcrübəli dizayn komandası müxtəlif sektorlara uyğun fərdi həllər təklif etməyə imkan verir.
