30 may 2025-ci il saat 11.00-da “Gilan Qəbələ Aqrotexservis” ASC səhmdarlarının illik ümumi yığıncağı Qəbələ rayonunun, Hacallı kəndində, “Gilan Qəbələ Aqrotexservis” ASC-nin binasında keçiriləcəkdir.
Banker.az xəbər verir ki, gündəlikdəki məsələlər aşağıdakılardır:
1. ASC-nin 2024-cü ilin yekunlarına dair maliyyə hesabatının müzakirəsi və təsdiqi.
2. ASC-nin istifadəsində olan torpaq sahəsinə dair hüquqların üçüncü şəxslərə ötürülməsi.
3. ASC-nin təşkilati-hüquqi formasının dəyişdirilərək MMC-yə çevrilməsi.
4. Digər cari məsələlər.
Səhmdarlar illik ümumi yığıncağın gündəliyinin materialları ilə ümumi yığıncaq zamanı tanış ola bilərlər.
Azərbaycan Respublikasının qanunvericiliyinə əsasən, hər bir səhmdar ümumi yığıncaqda iştirak hüququnu özü və ya nümayəndəsi vasitəsi ilə həyata keçirə bilər. Sonuncu halda nümayəndənin səlahiyyəti qanunvericiliklə müəyyənləşdirilmiş formada tərtib olunmuş etibarnamə ilə təsdiq edilməlidir.
Qeyd edək ki, “Gilan Qəbələ Aqrotexservis” ASC 1997-ci ildə dövlət qeydiyyatına alınıb. Onun nizamnamə kapitalı 216 640 manatdır.
