7 C
Baku
Saturday, April 13, 2024

“Goldman Sachs” bankı “Nvidia” səhmlərini Yer üzündəki “ən vacib səhm” adlandırıb

“Goldman Sachs Group”un ticarət departamenti müştərilərə ünvanladığı qeyddə “Nvidia” səhmlərini “Yer üzərindəki ən vacib səhm” adlandırıb, Banker.az bu barədə Forbes-ə istinadən xəbər verir.

Fevralın 21-də “Nvidia” 2024-cü maliyyə ilinin dördüncü rübü üçün hesabatını dərc edəcək. “CNBC” “LSEG” məlumatlarına istinadən yazır ki, analitiklər şirkətin gəlirinin illik müqayisədə 240% artaraq 20.6 milyard dollara çatacağını gözləyirlər. Analitiklərin fikrincə, xalis mənfəət bir il əvvəl 1.41 milyard dollardan 10.5 milyard dollara qədər yeddi dəfədən çox arta bilər. Onlar həmçinin “Nvidia”nın süni intellekt çiplərinin daxil olduğu məlumat mərkəzi biznesində artım gözləyirlər. “FactSet”in məlumatına görə, analitiklər bölmənin gəlirinin 17.06 milyard dollara yüksələcəyini proqnozlaşdırırlar.

“Bloomberg” nəşrinə görə, analitiklər “Nvidia” səhmlərinin hərəkətinin həm aşağı, həm də yuxarıya doğru 11% ola biləcəyini etiraf edirlər. Agentlik yazır ki, şirkət indekslərə və səhmlərdəki böyük uzun mövqelərə əhəmiyyətli təsirini nəzərə alaraq maliyyə bazarlarını sarsıda bilər: 2024-cü ildə “Nasdaq 100” indeksinin qazanclarının üçdə biri tək “Nvidia”nın payına düşüb. “Goldman” strateqi Scott Rubner qeyd edib ki, planka yüksəkdir, yəni böyük uğur gözlənilir.

“Bloomberg” bildirib ki, “Nvidia”nın dəyəri keçən il ərzində üç dəfə artdıqdan sonra treyderlər səhmlərdə böyük dəyişikliklərə hazırlaşırlar. “Nvidia” səhmləri fevralın 20-də ticarətdə 4.35% ucuzlaşaraq 694.52 dollara düşüb. Premarket ticarətində onlar daha 1.6% azalıb.

Fevralın əvvəlində “Nvidia” qısa müddət ərzində kapitallaşmaya görə “Alphabet” və “Amazon”u geridə qoyaraq ABŞ-ın üçüncü ən dəyərli şirkəti olub. Fevralın 20-nə olan məlumata görə, “Nvidia”nın bazar dəyəri bu iki şirkətdən az olub və 1.715 trilyon dollar təşkil edib.

Son xəbərlər
Digər xəbərlər