Bu ilin yanvar-iyul aylarında Dövlət Gömrük Komitəsinin (DGK) xətti ilə büdcə daxilolmaları 19.4 % artaraq 3 milyard 606.579 milyon manat təşkil edib.
Banker.az bu barədə Dövlət Gömrük Komitəsinə istinadən xəbər verir.
Son 1 ildə gömrük rüsumları üzrə daxilolmalar 21.5 % artaraq 909.151 milyon manat, əlavə dəyər vergisi (ƏDV) üzrə daxilolmalar 18.5 % artaraq 2 milyard 549.144 milyon manat, aksizlər üzrə daxilolmalar 42.7 % artaraq 121.83 milyon manat, yol vergisi üzrə daxilolmalar isə 24.2 % azalaraq 26.455 milyon manat olub.
