“Google” özü istehsal etdiyi prosessorlu yeni “Pixel 6” və “Pixel 6 Pro” smartfonlarını təqdim edib. Bu barədə şirkətin bazar ertəsi günü “Twitter”də yayımladığı mesajda deyilir.
Banker.az bu barədə xarici KİV-ə istinadən xəbər verir.
Bildirildiyi kimi, yeni smartfonlar bu payız satışa çıxarılacaq. “Google”un baş direktoru Sundar Piçarın sözlərinə görə, yeni “Tensor” prosessoru şirkətin kompüterlərlə 20 illik təcrübəsinə əsaslanır və hal-hazırda “Pixel”in ən böyük nailiyyəti sayılır.
So excited to share our new custom Google Tensor chip, which has been 4 yrs in the making (📎 for scale)! Tensor builds off of our 2 decades of computing experience and it’s our biggest innovation in Pixel to date. Will be on Pixel 6 + Pixel 6 Pro in fall. https://t.co/N95X6gFxLf pic.twitter.com/wHiEJRHJwy
— Sundar Pichai (@sundarpichai) August 2, 2021
“Pixel 6 Pro” bir az əyilmiş 6.7 düymlük ekran, üç kamera və optik “zoom”, “Pixel 6” modeli isə 6.4 düymlük düz ekran və yüksək keyfiyyətli kamera ilə təchiz edilib. Yuxarıda qeyd edildiyi kimi, hər iki smartfon “Tensor” çipi üzərində işləyəcək.
Xatırladaq ki, 2020-ci ilin iyununda “Apple” “Intel” prosessorlarından imtina edərək, cihazlarına özü istehsal etdiyi çipləri quraşdırmağa başlayıb. “CNBC”in vurğuladığı kimi, “Google” da “Arm” arxitekturasından istifadə edir.
