“Google”un proqramları müasir smartfonlarda ən populyar tətbiqlərdən biridir. Bu mobil tətbiqlərdən bəziləri smartfonlara əvvəlcədən quraşdırılıb. Axtarış nəhəngi rəsmən məlumat verib ki, “Google Photo” mobil proqramı “Google Play” proqramlar mağazasından 5 milyard dəfədən çox yüklənilib. “Google Keep” mobil proqramı isə 1 milyard dəfə yüklənilib.
“Google Photo” şəkillərin saxlanılması və sadə işlənməsi üçün ən yaxşı proqramlardan biridir. Xatırlatmaq lazımdır ki, uzun illər pulsuz olan mobil proqram 2021-ci ilin iyunundan abunə üzrə təklif ediləcək, hərçənd istifadəçilər əvvəlki kimi “Google”un bulud anbarında 15 QB disk yerindən pulsuz istifadə etmək imkanına malik olacaqlar.
