“Google” illik təqdimatında yeni məhsul və xidmətlərini təqdim edib, Banker.az bu barədə VC.ru-ya istinadən xəbər verir. Qeyd edək ki, şirkət Pixel 9 smartfon modellərini, Pixel Watch 3 ağıllı saatını və Pixel Buds Pro 2 qulaqlıqlarını nümayiş etdirib.
Pixel 9, Pixel 9 Pro и Pixel 9 Pro XL
Xətdə dörd smartfon var: Pixel 9, Pixel 9 Pro, Pixel 9 Pro XL və qatlana bilən Pixel 9 Pro Fold. Pixel 9 və Pixel 9 Pro modellərinin displey ölçüsü 6.3 düym, Pixel 9 Pro XL-in displeyi isə 6.8 düym təşkil edir.
Sadə model 12 GB RAM, 128 və ya 256 GB yaddaş alıb. Pixel 9 dörd rəngdə təqdim edilib: çəhrayı, yaşıl, çini və qara. Pixel 9 modeli iki arxa kamera alıb – 50 MP-lik əsas və 48 MP-lik genişbucaqlı. Qeyd edək ki, smartfonun təchiz olunduğu Actua Pixel displeyi Pixel 8 ilə müqayisədə 35% daha parlaqdır.
“Google”a görə Pixel 9 Pro və Pixel 9 Pro XL yalnız ölçüləri və yükləmə sürəti ilə fərqlənirlər, bütün digər xüsusiyyətlər isə eynidir. Cihazlar üç arxa kamera alıb – 50 MP-lik əsas, 48 MP-lik genişbucaqlı və 48 MP-lik teleobyektiv.
Modellərin operativ yaddaş tutumu 12 GB, daxili yaddaşı isə konfiqurasiyadan asılı olaraq 128 GB, 256 GB, 512 GB və ya 1 TB təşkil edir. Pixel 9 Pro və Pixel 9 Pro XL də dörd rəngdə təqdim edilib – qara, çəhrayı, qəhvəyi və çini.
Qiymətlərə gəldikdə, Pixel 9 – $799, Pixel 9 Pro – $999, Pro XL – $1099 qiymətinə satılacaq. Sentyabrda satışa çıxarılacaq Pixel 9 Pro istisna olmaqla, bütün cihazları artıq öncədən sifariş etmək mümkündür.
Pixel 9 Pro Fold
Smartfonun əsas OLED displeyi 8 düym ölçüsündədir. Operativ yaddaşı 16 GB, daxili yaddaşı isə konfiqurasiyadan asılı olaraq 256 GB və ya 512 GB təşkil edir. Pixel 9 Pro Fold iki rəngdə təqdim edilib – qara və “çini”.
Yeniliyin qiyməti $1799 dollar təşkil edəcək, satışlar sentyabrın 4-də başlayacaq. Smartfonu artıq öncədən sifariş etmək mümkündür.
Pixel Watch 3
Cihaz iki fərqli ölçüdə mövcuddur – 41 və 45 mm. Saat tam yükləmə ilə 36 saat işləyir. 41 mm-lik modelin qiyməti $349, 45 mm-lik modelin qiyməti isə $399 təşkil edir.
Pixel Buds Pro 2
Pixel Buds Pro 2 Tensor A1 çipi ilə təchiz edilib – onun sayəsində qulaqlıqlar əvvəlki modeldən daha səmərəlidir. İşləmə müddəti: keys ilə 30 saat, keyssiz isə 8 saat. Aksesuar Gemini süni intellekt texnologiyasını dəstəkləyir.
Qulaqlıqlar həmçinin Gemini Live texnologiyasını alıb, hansı ki sizə süni intellekt ilə ünsiyyət qurmağa imkan verir. Lakin bu funksiya ödənişlidir və ayda $20 təşkil edir. Pixel Buds Pro 2-nin qiyməti $229-dır və dörd rəngdə mövcuddur – “çini”, yaşıl, çəhrayı və qəhvəyi.
