İnternet məkanında bir “Twitter” istifadəçisi onlayn mağazadan işlənmiş “Pixel 6 Pro” alan, lakin paketin içərisində hələ buraxılmamış “Pixel 7 Pro” smartfonunu tapan dostu haqqında hekayə dərc edib.
Məlum olub ki, onlayn mağaza səhvə yol verib və ötən ilki modelin əvəzinə satışların rəsmi başlamasından xeyli əvvəl yeni smartfonun sınaq nümunəsini göndərib, Banker.az bu barədə “Secretmag”a istinadən xəbər verir.
İşləməyən cihazın sahibinin alışa görə pulu geri ala biləcəyi hələ dəqiq deyil. Bundan əlavə, model payızda satışa çıxarıldıqdan sonra zərərçəkənin smartfonu bərpa edə biləcəyi açıqlanmır.
Bu, “Google Pixel” smartfonlarının rəsmi buraxılışdan əvvəl təsadüfən satıldığı ilk hal deyil. Məsələn, daha əvvəl “Pixel 6a” onlayn mağazalarda satış başlamazdan bir ay yarım əvvəl səhvən satılıb.
