“Grace period” (Güzəşt müddəti) nədir və hansı bank kartlarında tətbiq olunur?

“Grace Period” – dilimizə tərcümə etdikdə güzəşt mənası anlamını verir. Bu bankların kredit kart məhsullarında tətbiq etdiyi bir opsiyadır.  Opsiya kartdan istifadə edilən vəsaitlərin bank tərəfindən öncədən müəyyən edilmiş period intervalında faizsiz olaraq geri qaytarılmasını təmin edir. Beynəlxalq təcrübələrə nəzər saldıqda bu opsiyanın əksər qabaqcıl banklar tərəfindən tətbiq edildiyini müşahidə edirik. “Grace Period” ilk öncə nağdsız ödənişlərin üstünlük təşkil etdiyi inkşaf etmiş ölkələrdə tətbiq edilməyə başlamışdır.

Bəs bizim Banklarımızdan hansıları öz kart məhsullarına bu opsiyanı təklif edib?

Bankların şərtlərinə nəzər saldıqda müşahidə edə bilərik ki, bu opsiya əsasən gəliri yüksək olan təbəqə üçün nəzərdə tutulmuş kart məhsullarında var. Əsasən nağdsız ödənişlərə tətbiq edilən bu opsiya, az sayda bank tərəfindən həm nağd həm də nağdsız ödənişlərə tətbiq edilir. Xüsusilə bir məqamı vurğulamaq istərdik ki, “grace period” müddəti olaraq öncədən bir interval təyin edilir və əmliyyat tarixindən asılı olmayaraq grace period tətbiq edilməsi üçün bu müddət intervalında ödəniş tələb edilir. Adətən ödənişlər növbəti ayın ilk 10 və ya 15 günündə tələb edilir. Yəni hansısa bir bank, Sizə “45 günədək” güzəşt müddəti təklif edirsə, bu bütün hallarda 45 gün deyil, ən yaxşı halda 45 gündür. Aşağıdakı cədvəldə “grace period” opsiyası olan kartlar və onlar haqqında detallı şərtlər əks olunmuşdur:

Cədvələ əsasən etdiyimiz təhlilə əsasən Sizə maraqlı ola biləcək aşağıdakı müqayisələri diqqətinizə çatdırmaq istərdik:

Ən uzun müddətə grace period imkanı verən kartlar – Bolkart Gold, Bolkart Diamond və Bank Respublikanın kredit kartıdır. Hər 3 kartda maksimal güzəşt müddəti 45 gün təşkil edir. Rabitəbankın şərtini də məqbul hesab etmək olar. Belə ki, bank öz məhsulunda bütün hallarda 30 günədək güzəşt müddəti verir.

Həm nağd, həm də nağdsız əməliyyatlar üzrə grace period imkanı olan kartlar – Albalı Plus Gold, Expresso, Rabitəbankın kredit kartı və Nikoil Bankın kredit kartı.

Taksit imkanı olan kartlar – Bolkart (bütün növləri), Albalı Plus Gold, Birkart və Worldcard.

Ödəniş imkanları ilə bağlı seçim – Bu bənd üzrə Bolkartı xüsusilə qeyd etmək istərdik. Bankdan aldığımız məlumata əsasən kart üzrə ödəniş intervalı müştərinin istəyinə əsasən təyin edilir. Belə ki,

Bolkart Ailə və Bolkart Gənc kartı üzrə müştəriyə 3 interval seçimi verilir: ayın 1-dən 10-a kimi, ayın 11-dan 20-nə kimi, ayın 21-dən ayın sonuna kimi.

Bolkart Gold və Bolkart Diamond kartı üzrə müştəriyə 2 interval seçimi verilir: ayın 1-dən 15-a kimi, ayın 16-dan ayın sonuna kimi.