Gürcüstan əhalisi 2023-cü ildə əvvəlki illə müqayisədə 1,1 faiz azalıb. Bu il yanvarın 1-nə olan məlumata görə, ölkə əhalisinin sayı 3 milyon 694 min 600 nəfər təşkil edib. Əhalinin 48 faizi kişilər, 52 faizi qadınlardır.
Bu barədə Gürcüstan Milli Statistika Xidməti məlumat yayıb.
Bildirilir ki, 2023-cü ildə təbii artımda 2542 nəfər azalma olub, 39 min 207 mənfi miqrasiya qeydə alınıb. Əhalinin əmək qabiliyyətli yaş həddi 15-64 yaş təşkil edib ki, bu da ümumi əhalinin 64,3 faizi deməkdir.
Ölkə əhalisinin 19,5 faizi 0-14 yaş arasında, 64,3 faizi 15-64 yaşında, 16,2 faizi isə 65 yaşdan yuxarı olanlardır. Orta uzunömürlülük 2022-ci illə müqayisədə 1,3 vahid artaraq 75 yaşa çatıb. Qadınlar arasında bu göstərici 79,4 yaş, kişilər arasında isə 70,6 yaşdır.
