Gürcüstan 1 milyon doza vaksin qəbul edib

Gürcüstan bu gün yeni növ koronavirus (COVID-19) əleyhinə 1 milyon doza “Sinovac” və “Sinopharm” vaksinləri qəbul edib.

Bu barədə Gürcüstanın Baş naziri İrakli Qaribaşvili keçirdiyi brifinqdə bildirib.

Onun sözlərinə görə, ümumilikdə iki milyon doza Çin vaksini sifariş edilib və növbəti bir milyon doza bir neçə həftə ərzində çatdırılacaq. İ. Qaribaşvili əlavə edib ki, ölkədə bazar ertəsindən etibarən kütləvi vaksinasiya prosesinə başlanması üçün hazırlıqlar tamamlanıb.

İ. Qaribaşvili qeyd edib ki, 1 milyon doza “Pfizer” vaksininin əldə edilməsi ilə bağlı istehsalçı şirkətlə razılaşma əldə edilib və vaksinlərin tədarükünə iyuldan başlanacaq. Ümumilikdə isə Gürcüstan hökuməti ilin sonunadək əhalinin COVID-19 əleyhinə vaksinlənməsi üçün 4 milyon doza vaksinin çatdırılmasını planlaşdırır.


Kredit müraciəti

Sizin müraciətiniz banka göndərildi.