Ötən ay Gürcüstan 10 868,1 min ABŞ dolları dəyərində elektrik enerjisi idxal edib.
Bu barədə Gürcüstanın Milli Statistika İdarəsinin hesabatında bildirilib.
Yanvarda elektrik enerjisi qonşu ölkənin ümumi idxalında 1,8% paya sahib olub. İllik müqayisədə Gürcüstan elektrik enerjisinin idxalını 20,6% artırıb.
Qeyd edək ki, ötən ay Gürcüstan Azərbaycandan 77,455 milyon kilovatt/saat elektrik enerjisi tədarük edib ki, bu da illik müqayisədə 2,28 dəfə azdır.
©Report
