21 C
Baku
Bazar, Sentyabr 19, 2021

Gürcüstan sülhməramlıları Əfqanıstanı tərk edəcək

Screen Shot 2021 09 02 at 14.34.20

“Bu gün (dünən-red) NATO Əfqanıstandakı missiyasını bu ilin sentyabr ayınadək mərhələli şəkildə dayandırmağa qərar verib. Buna görə, NATO ilə razılaşdırılmış cədvələ əsasən Gürcüstan bölmələri də həmçinin Əfqanıstanı tərk edəcək”.

Bunları Gürcüstanın baş naziri İrakli Qaribaşvili feysbuk səhifəsində yazıb.

O bildirib ki, Gürcüstan strateji tərəfdaşı olan ABŞ ilə intensiv məsləhətləşmələr aparır və gürcü kontingenti razılaşdırılmadan sonra Əfqanıstandan çıxarılacaqlar.

Hökumət başçısı Gürcüstanın Avroatlantik inteqrasiyası prosesinə layiqli töhfə verən, mürəkkəb və məsuliyyətli missiyada iştirak edən hər bir gürcü hərbçiyə təşəkkür edib.

İ.Qaribaşvili vurğulayıb ki, Gürcüstan NATO-nun Əfqanıstandakı Qətiyyətli Dəstək Missiyasına (RSM) 2004-cü ildə qoşulub və 860 gürcü hərbçi hələ də Alyansın Əfqanıstandakı kontingentində xidmət edir.

Qeyd edək ki, NATO Əfqanıstandan bölmələrini bu ilin mayın 1-dən etibarən çıxarmağa başlayacaq.

Screen Shot 2021 09 08 at 14.27.09
Mənbə:Report
109,597AzarkeşlərKimi
Son xəbərlər
360x380 1
Oxşar xəbərlər