Gürcüstan 2024-cü ilin yanvar ayında Azərbaycandan 287.1 milyon kubmetr qaz (206.7 min ton) idxal edib ki, bu da 2023-cü ilin müvafiq dövrünün göstəricisi ilə müqayisədə 20.2% azdır. Bu barədə Gürcüstan Milli Statistika Xidmətinin məlumatında bildirilir.
Statistik məlumatlara görə, hesabat dövründə Azərbaycandan Gürcüstana təxminən $33 milyon dəyərində qaz (azalma 41%) idxal edilib.
2023-cü ildə Gürcüstan Azərbaycandan təxminən $313.5 milyon dəyərində (azalma 9.2%) 2.5 milyard kubmetrə yaxın qaz (1.8 milyon ton, azalma 4%) idxal edib.
