Gürcüstanda koronavirus epidemiyasına görə tətbiq olunan məhdudiyyətlərin aprelin 27-dən yüngülləşdirilməsinə başlanılacaq.
Bu barədə ölkənin baş naziri Giorgi Qaxaria bildirib.
O deyib ki, ölkə ərazisində şəxsi avtomobil və taksi ilə hərəkət bərpa olunacaq: “Bazar ertəsindən başlayaraq onlayn ticarətə, istənilən məhsulun çatdırılması xidmətinə və açıq tipli aqrar bazarların fəaliyyətinə də icazə veriləcək”.
Qeyd edək ki, qonşu ölkədə aprelin 17-dən 27-dək minik avtomobilləri ilə hərəkətə qadağa tətbiq olunur.
©Report
