Gürcüstanda “iPhone 7” satışlarına başlanılıb. “Sputnik Qruziya” nəşrinə istinadən məlumatına görə, artıq ilk beş smartfon öz sahiblərini tapıb.
Çoxdan gözlənilən “iPhone 7”-ni ancaq sentyabrın 13-14-də sifariş etmiş şəxslər ala biliblər. “Biz artıq Gürcüstan alıcılarının öncədən sifariş etdikləri 5 modeli satmışıq. Smartfonun qiyməti 9 999 lari və ya 4.3 min dollar təşkil edib”, – deyə “iPhone+” mağazasının meneceri Kaxa Sepaşvili bildirib.
O qeyd edib ki, artıq bu smartfonların 80 faizi artıq satılıb: “Artıq birisi gündən sonra qiymətlər stabilləşməyə başlayacaq. Buna səbəb artıq ABŞ-da satışların başlanmasıdır. Sentyabrın 17-dən smartfon modelinin qiyməti 7 777 lari və ya 3,4 min dollar təşkil edəcək”, – deyə Sepaşvili bildirib.
Sentyabrın 18-dən isə smartfonun qiyməti təxminən 3-4 min lari və ya 1,3-1,7 min dollar təşkil edəcək. Sentyabrın 20-də qiymət 2 599 lariyə və ya 1,1 min dollara düşəcək. Sentyabrın 20-dən sonra isə “iPhone 7” smartfonunun qiyməti 2 199 lari və ya təxminən 956 dollar olacaq.
Lent.az
