Gürcüstandan Rusiyaya gedən yeganə avtomobil magistralı – Mtsxeta-Stepantsminda-Lars yolunun Qudauri – Kobi hissəsində bütün nəqliyyat vasitələrinin hərəkəti tam qadağan edilib.
Bu barədə Gürcüstan Avtomobil Yolları Departamenti məlumat yayıb.
Bildirilir ki, beynəlxalq əhəmiyyətli yolda avtomobillərin hərəkətinin qadağan olunmasına Qudauri – Kobi hissəsində güclü qar yağması, çovğun və qar uçqunu təhlükəsi səbəb olub.
Hazırda magistralda Azərbaycan, İran, Rusiya və digər ölkələrdən gələn xeyli sayda yük və minik avtomobili qalıb.
