Azərbaycanın fındıq şirkətinin məhsulları dünyanın nəhəng satış platforması olan “Amazon”-da “Best sellers” (ən çox satılanlar) bölməsinə düşüb.
Banker.az məlumat verir ki, bununla bağlı “Aznut” şirkətinin qurucusu Samir Kazımov məlumat yayıb. O bildirib ki, şirkət bir il əvvəl yaransa da, hazırda xeyli Amerika fındıq şirkətini qabaqlaya və birinci ola bilib:
“200 Amerikan şirkəti arasında ən yaxşı fındıq şatışı bizdə olub. Təzə şirkət üçün bu, böyük uğurdur. Komandama və mənə dəstək olan hər kəsə təşəkkür edirəm”.
Qeyd edək ki, şirkətin fındıq bağlamalarının qiyməti 7.99-14.59 $ arasında dəyişir.
