2025-ci ilin iyul ayı üzrə Azərbaycanda könüllü həyat sığortası sahəsində zərərlilik nisbəti 63% səviyyəsində olub. Bu göstərici, sığorta ödənişlərinin sığorta haqları yığımına nisbətini ifadə edir və dünya standartları ilə müqayisədə yüksək hesab olunur.
Banker.az bunu Azərbaycan Mərkəzi Bankı tərəfindən təqdim olunan statistik göstəricilərə istinadən xəbər verir
Məsələn, 2024-cü ilin eyni dövründə zərərlilik nisbəti 59% olub, bu da ötən il ilə müqayisədə 4 faiz bəndi artım deməkdir.
Yanvar-iyul 2025 dövründə sığorta haqları 472,2 milyon manat, sığorta ödənişləri isə 372,7 milyon manat təşkil edib. Həyat sığortasının əsas hissəsini formalaşdıran həyatın yaşam sığortasında 447,62 mln. manat yığım və 369,57 mln. manat ödəniş həyata keçirilib.
Ümumilikdə, son doqquz ildə iyul ayları üzrə zərərlilik nisbəti 32%-dən 63%-ə qədər dəyişərək sektorda dalğalanmaların olduğunu göstərir.
Həyat sığortası üzrə beynəlxalq praktikada zərərlilik nisbəti adətən 50% civarında qəbul edilir. Azərbaycanda isə son illərdə bu göstəricinin mütəmadi olaraq 60%-in üzərinə çıxması sığorta şirkətləri üçün xərc risklərin artdığını və ödəniş yükünün yüksək olduğunu göstərir.
