HBO (Home Box Office) İlon Maskın “SpaceX” şirkəti haqqında mini-serial çəkəcək.
Bu barədə Banker.az “Vc.ru”ya istinadən xəbər verir.
Verilən məlumata görə, bu serial altı seriyadan ibarət olacaq.
Serial Eşli Vensin yazdığı “İlon Mask. Tesla, Space X və gələcəyə aparan yol” kitabına əsaslanacaq. Bu kitab Sakit okeandakı ucqar bir adada işləmək üçün Maskın mühəndislər komandasını yaratması, nəticədə isə Falcon 1 raketini işə salması haqqında bəhs edir.
Serialın baş rejissoru və müəllifi Dag Jang, prodüseri isə Channing Tatum olacaq. Bildirildiyi kimi, Mask serialın çəkilişində iştirak etməyəcək. Serialın adı, buraxılış tarixi və aktyorları hələ açıqlanmayıb.
