Amerikalı investor və milyarder Karl Aykan qida əlavələrinin istehsalı üzrə ixtisaslaşam “Herbalife Nutrition Ltd.”dəki payının yarıdan çoxunu satıb.
Banker.az xarici KİV-ə istinadən xəbər verir ki, bu barədə “Herbalife”ın press-relizində deyilir.
Xatırladaq ki, Aykan şirkətin 16%-nə sahib idi. Təxminən 600 milyon dollarlıq (səhm başına 48.05 dollar) qiymətli kağız satdıqdan sonra, o, “Herbalife”ın 6%-nə sahib olacaq. Beləliklə, milyarderin əlində 8 milyon adi səhm qalacaq. Bundan əlavə, payın azalması səbəbindən Aykan direktorlar şurasındakı beş yeri boşaltmalı olub.
Aykan 2013-cü ildən başlayaraq “Herbalife” şirkətinin ən böyük səhmdarlarından biridir. O ilk dəfə bu şirkətə 2012-ci ilin sonlarında investisiya qoyub. Daha sonra bunun sayəsində 1 milyard dollardan çox pul qazana bilib.
Hal-hazırda “Herbalife”ın kapitallaşması 6.3 milyard dollar təşkil edir. Son on ildə onun səhmləri təxminən yeddi dəfə artıb.
