Azərbaycan Respublikası Hesablama Palatasının növbəti Kollegiya iclası keçirilib.
Banker.az saytının Hesablama Palatasından əldə etdiyi məlumata görə, Kollegiya iclasında həyata keçirilmiş bir neçə qurumun nəzarət tədbirləri üzrə Auditor Hesabatları müzakirə olunmuşdur.
Müzakirələrdən biri də Bakı Nəqliyyat Agentliyi üzrə dövlət büdcəsinə daxilolmaların və büdcədən ayrılan vəsaitlərin icrasının və dövlət əmlakından istifadənin uyğunluğuna dair olub.
Xatırlatma!
Ötən ilin sonunda Bakı Nəqliyyat Agentliyi (BNA) 2020-ci ildə Bakıda piyadalar üçün 500 yeni yol nişanı quraşdıracağı ilə bağlı yayılan xəbər bir qədər müzakirəyə səbəb olmuşdu.
Belə ki maliyyə saytlarının birində bildirilirdi ki, bir yol nişanının bir ədədi dövlətə 1840 manata (1082 ABŞ dollarına) başa gələcək.
