Hindistan bir sıra kriptovalyuta birjalarının fəaliyyətinə məhdudiyyətlər tətbiq edir. Maliyyə Kəşfiyyatı Bölməsi (FIU) yerli qaydalara əməl etməmələri ilə bağlı bir sıra birjalara xəbərdarlıq edib. Bu birjalara “Binance”, “Kucoin”, “Kraken”, “Gate.io”, “Bittrex”, “Bitstamp”, “MEXC Global” və “Bitfinex” daxildir.
“Bir neçə xarici təşkilat Hindistan istifadəçilərinin əhəmiyyətli hissəsinə xidmət göstərsə də, qeydiyyatdan keçməyib və Çirkli Pulların Yuyulması (AML) və Terrorizmin Maliyyələşdirilməsinə Qarşı Mübarizə (CFT) sistemlərinə tabe deyil”, – mesajda deyilir.
2023-cü ildə Hindistan hökuməti kriptovalyuta sektoruna çirkli pulların yuyulmasına qarşı qaydalar tətbiq edib və rəqəmsal aktivlər sektoruna nəzarəti gücləndirib. 2022-ci ildə yerli kriptobirjalar üçün əməliyyat vergisi tətbiq olundu ki, bu da ticarət həcmlərinin kəskin azalmasına və istifadəçilərin qlobal platformalara miqrasiyasına gətirib çıxarıb.
