Hindistan beş ölkədən gələn turistlər üçün məcburi PCR testini tətbiq edib. Tədbir Yaponiya, Cənubi Koreya, Sinqapur, Tailand və Çindən gələn sərnişinlərə şamil edilir.
Bu barədə səhiyyə naziri Mansuk Mandaviya “Twitter“ səhifəsində məlumat verib.
Ölkənin beynəlxalq hava limanlarında nəzarət gücləndirilib, ictimai yerlərdə maska rejimi tətbiq edilib. Yanvarın 1-dən yuxarıda göstərilən ölkələrdən gələn turistlərin Hindistana gəlməzdən əvvəl öz məlumatlarını “Air Suvidha” portalına yükləmələri tələb olunacaq.
