Yaxın illərdə ümumi daxili məhsul artımı orta hesabla 8% olsa və inflyasiya 5%-dən aşağı qalsa, Hindistan iqtisadiyyatı 2047-ci ilə qədər 55 trilyon dollara qədər böyüyə bilər. Bunu Beynəlxalq Valyuta Fondunun (BVF) icraçı direktoru Krişnamurti Subramanyan deyib, Banker.az bu barədə TASS-a istinadən xəbər verir.
“Hindistanın ÜDM-in 8%-lik artım tempi iddialı, lakin əldə edilə bilən hədəfdir, xüsusən demoqrafik və Hindistanın son on ildə həyata keçirdiyi ictimai rəqəmsal infrastruktur, innovasiya və sahibkarlıq kimi siyasətləri nəzərə alsaq”, – deyə maliyyəçi vurğulayıb.
Hindistan dünyada üçüncü ən böyük özəl müəssisə sisteminə malik ölkədir və BVF-nin proqnozuna görə, bu, hazırda özəl sektordan geridə qalan milli dövlət sektorunda məhsuldarlığın artımına təkan verəcək.
Dünya Bankının ABŞ-nin adambaşına düşən gəlirinin dörddə birinə çatması üçün Hindistana 75 il lazım olacağına dair məlumatlara toxunan Subramanyan bildirib ki, Hindistanın adambaşına düşən ÜDM-i iki, üç və ya dörd dəfə artsa belə, bu, ABŞ-dən orta və aşağı səviyyə olacaq.
