Hindistan Rusiya və Ukrayna arasında münaqişənin həllində vasitəçilik imkanlarını nəzərdən keçirir.
Bu barədə “The New York Times” yerli rəsmilərə istinadən məlumat yayıb.
“Hindistan hökumətindəki zabitlər artıq Hindistanın uyğun vaxtda sülhməramlı səylərdə hansı rol oynaya biləcəyini müzakirə edirlər”, – məlumatda deyilir.
Nəşr qeyd edib ki, Hindistandan olan iki məmur Fransa prezidenti Emmanuel Makronun Hindistanın baş naziri Narendra Modi ilə Rusiya və Ukrayna arasında sülh danışıqlarının aparılmasını müzakirə etdiyini, lakin bu ideyanın həyata keçirilmədiyini bildirib.
Qeyd olunur ki, diplomatlar Hindistan, İsrail və BƏƏ-nin birgə vasitəçilik səylərinin mümkünlüyünü də müzakirə ediblər.
