Hazırda Kanadada yaşayan hind məktəbinin 16 yaşlı məzunu Anmol Tukrel özünün axtarış sistemini yaratmışdır və onun sözlərinə görə onun sistemi Google-dan 47% daha effektivdir. The Times of India nəşrinin yazdığına görə, Tukrel öz axtarış sistemini 13-18 yaşlı ixtiraçılar üçün nəzərdə tutulmuş Google Science Fair adlı online müsabiqə çərçivəsində yaratmışdır. Anmol Tukrelə bu axtarış sistemini yaratmaq üçün 60 saat, dizayn üçün isə təqribən 2 ay vaxt tələb olunmuşdu.
ᅠ
Tukrel axtarış sistemini Python proqramlaşdırma dilində yaradıb. Onun sözlərinə görə, qaydalara əsasən axtarış sistemləri mövcud istifadəçi sorğularını, onun yerləşməsini, ziyarət etdiyi səhifələri və s.ləri nəzərə alır. Onun alqoritmi isə digər məsələni həll edir: “onun istəklərini mətnin dərinliklərindəki informasiya əsasında təyin etmək”.
O həmçinin öz sisteminin təsvirini beynəlxalq elmi jurnal olan International High School Journal of Science-a da göndərmişdir. Tukrel öz axtarış sistemi əsasında yeni xəbər aqreqatoru yaratmaq və daha sonradan onu digital agentliklərə satmaq niyyətindədir.
