21 iyun 1940-cı il tarixində Fransa faşist Almaniyasının qüvvələri qarşısında təslim olması barədə müqavilə imzalayır. İmzalama mərasimi 1918-ci ildə Birinci dünya müharibəsi zamanı Almaniyanın təslim olması barədə müqavilə imzaladığı həmin yerdə baş tuturdu. Bu Almaniyanın yaşadığı möhtəşəm an idi və dünyanın nəhəng xəbər agentliklərinin kameraları bu anı lentə alırdı. Tezliklə müxtəlif ölkələrin kinoteatrlarında tarixi kadrlar görünməyə başlayır. Sənədi imzalayıb, üzündə məğrur ifadə ilə kənara çəkilən fürer gözlənilməz anda Çarli Çaplin tərzində yöndəmsiz rəqsi nümayiş etdirir!
Əlbəttə, Hitler həqiqətən rəqs etməmişdi. Bu komik epizodu Kanada informasiya agentliyinin direktoru Con Grierson lentə almışdı. O fürerin geri çəkilərkən ayağını həddindən artıq çox yüksəyə qaldırdığını görmüşdü. Bu yöndəmsiz addım isə Hitlerin sanki rəqs edirmiş kimi görünməsinə səbəb olmuşdu. Buna baxmayaraq, çox saylı tamaşaçı uzun illər məşhur diktatorun həqiqətən də yöndəmsiz rəqs etdiyini zənn etmiş və hər dəfəsində gülüşlə qarşılamışlar.
