26 C
Baku
Cümə, Sentyabr 17, 2021

Hökumət ərzaqlıq buğdanın idxal qiymətinə təsiri azaltmaq üçün subsidiya ayırdı

Screen Shot 2021 09 02 at 14.34.20

Ərzaqlıq buğdanın idxal qiymətinin artmasının ölkə daxilində satılan un və un məmulatlarının qiymətinə mənfi təsirlərinin azaldılması ilə bağlı əlavə tədbirlər barədə Nazirlər Kabineti qərar qəbul edib.

Qərarı Baş Nazir Əli Əsədov imzalayıb.

Qərarda qeyd edilir ki, 1 fevraldan 1 maya qədər un istehsalı ilə məşğul olan şəxslərə satılan unun hər tonuna görə İqtisadiyyat Nazirliyi tərəfindən müəyyən olunacaq qaydada 35 manat subsidya ödəyəcək.

Xatırladaq ki, Azərbaycan unun 99%-dən çoxunu Rusiya Federasiyasından idxal edir. Türkiyənin BloomberhHT kanalının məlumatına görə, RF cari ildən xaricə satdığı buğdanın 15 fevral-1 mart dövrünə hər ton üçün 25 avro olaraq tətbiq olunacaq vergi, 1 martdan 30 İyuna qədər hər tonu üçün 50 avro olaraq tətbiq olunacaq.


Qərarda deyilir,

1. Un istehsalı ilə məşğul olan şəxslərə satılan unun hər tonuna görə bu Qərarın 2-ci hissəsi ilə müəyyən edilmiş qaydada 2021-ci il fevralın 1-dən mayın 1-dək olan dövrdə 35 (otuz beş) manat məbləğində subsidiya verilsin.

2. Azərbaycan Respublikasının İqtisadiyyat Nazirliyi:
2.1. Azərbaycan Respublikasının Maliyyə Nazirliyi ilə razılaşdırmaqla, satılan unun hər tonuna görə un istehsalçılarına subsidiyanın verilməsi qaydasını təsdiq etsin;
2.2. un istehsalçılarına verilən subsidiyanın bu qaydaya uyğun ödənilməsini təmin etsin;
2.3. un istehsalçılarına ödənilmiş subsidiya barədə icmal hesabatı 2021-ci il 1 iyun tarixinədək Azərbaycan Respublikasının Nazirlər Kabinetinə təqdim etsin.

3. Bu Qərarın 1-ci və 2-ci hissələrinə uyğun olaraq subsidiyanın ödənilməsi məqsədilə Azərbaycan Respublikası İqtisadiyyat Nazirliyinin Azərbaycan Respublikasının Maliyyə Nazirliyi ilə razılaşdırılmış təklifinə əsasən Azərbaycan Respublikasının 2021-ci il dövlət büdcəsinin Ehtiyat Fondundan müvafiq məbləğdə vəsait ayrılsın.

4. Azərbaycan Respublikasının İqtisadiyyat Nazirliyi Azərbaycan Respublikasının Maliyyə Nazirliyi, Azərbaycan Respublikasının Kənd Təsərrüfatı Nazirliyi, Azərbaycan Respublikasının Fövqəladə Hallar Nazirliyi, Azərbaycan Respublikasının Qida Təhlükəsizliyi Agentliyi və “Azərbaycan Dəmir Yolları” Qapalı Səhmdar Cəmiyyəti ilə birlikdə ərzaqlıq buğda ehtiyatının yaradılması və dünya birjalarında buğda qiymətlərinin ölkədaxili buğda qiymətlərinə təsirinin azaldılması üçün müvafiq tənzimləmə və nəzarət üzrə dayanıqlı mexanizmin formalaşdırılmasına dair təkliflərini 2 ay müddətində Azərbaycan Respublikasının Nazirlər Kabinetinə təqdim etsin.

5. Azərbaycan Respublikasının Maliyyə Nazirliyi və Azərbaycan Respublikasının İqtisadiyyat Nazirliyi bu Qərardan irəli gələn məsələləri həll etsin.

Screen Shot 2021 09 08 at 14.27.09
109,597AzarkeşlərKimi
Son xəbərlər
360x380 1
Oxşar xəbərlər