24 C
Baku
Thursday, September 29, 2022

“HP” şirkətinin baş direktoru vəzifəsini tərk edib

Dion Vaysler ailə vəziyyəti ilə əlaqədar HP şirkətinin baş direktoru vəzifəsini tərk etmək qərarına gəlib.

Artıq noyabrda internet texnologiyaları sahəsində fəaliyyət göstərən şirkətin hazırkı rəhbəri doğma vətəni – Avstraliyaya dönəcək.

Məlumata görə, yeni baş direktor isə Enrike Lores təyin olunub. 2015-ci ildən şirkət prezidenti vəzifəsini icra edən D.Vaysler səhmdarların növbəti ildə keçiriləcək görüşünədək Direktorlar Şurasına daxil olacaq.

Qeyd edək ki, mənzil-qərargahı ABŞ-ın Kaliforniya ştatının Palo-Alto şəhərində yerləşən HP 2015-ci ildə “Hewlett-Packard” şirkətinin bölünməsi nəticəsində yaradılıb. Həmin vaxt, həmçinin digər şirkət – “Hewlett Packard Enterprise” təsis edilib. HP şirkəti “Hewlett Packard”ın rəsmi hüquqi varisi olmaqla birjada onun internet domenini və adını saxlayıb. Kompüter, printer və onların komponent hissələrinin istehsalı ilə məşğul olan HP şirkətinin kapitallaşması 28 milyard dolları ötür.

©İctnews

Son xəbərlər
Oxşar xəbərlər