“Huawei” şirkəti yeni simsiz qulaqlıqları – istifadəçinin nəbzini və bədən istiliyini ölçə bilən FreeBuds Pro 2+ modelini təqdim edib. Yeniliyin Çində satışı aprel ayında başlayacaq. Qulaqcıqların digər bazarlarda görünmə vaxtı açıqlanmır.
FreeBuds Pro 2+ infraqırmızı və yaşıl işıqlı sensorlara malikdir ki, bu da ona nəbzi 95% dəqiqliklə ölçməyə imkan verir. Bildirilir ki, aksessuar 47 dB-ə qədər səs-küyün azaldılmasını təmin edir, IP54 standartına uyğun olaraq tozdan və nəmdən qorunma isə onu idman məşqləri zamanı istifadə etməyə imkan verir.
Səs-küyün azaldılması funksiyası aktiv olduqda aksesuar 3.7 saata qədər işləyə bilər (səs-küy azaldılmadan 5.8 saata qədər). Yenilik simsiz enerji doldurma dəstəyinə malikdir.
