Çinin “Huawei” şirkəti çərşənbə axşamı “HarmonyOS Next” əməliyyat sistemində yeni “Mate 70” smartfonlarının satışına başlayacaq, “Financial Times” yazır. Qeyd edək ki, bu, şirkətin öz əməliyyat sistemində işləyən ilk flaqmanıdır.
2019-cu ildə ABŞ sanksiyaları səbəbindən “Huawei” şirkəti “Google”un mobil xidmətlərinə çıxışını itirdi və özünün “HarmonyOS” əməliyyat sistemini buraxdı. “Mate 70” smartfonlarının qiyməti 5499 yuandan başlayır. “Mate 70 Pro” modelinin qiyməti 6499 yuan, “Mate 70 Pro +” modelinin qiyməti isə 8499 yuan təşkil edir.
“Mate 70” və “Mate 70 Pro” versiyaları 12 GB operativ yaddaş, konfiqurasiyadan asılı olaraq 256 GB / 512 GB / 1 TB daxili yaddaş alıb. “Mate 70 Pro +” modeli 16 GB operativ yaddaş və 512 GB / 1 TB daxili yaddaş ilə təchiz olunub.
“NYT” qeyd edir ki, yenilik Çində 26 noyabrda satışa çıxacaq. Üç milyondan çox istifadəçi öncədən sifariş sorğusu göndərib, lakin bu, şirkətin bu qədər cihazı sata biləcəyi demək deyil, “CNBC” bildirir.
