23 C
Baku
Friday, May 24, 2024

Hulusi Akar: Türkiyə həmişə olduğu kimi, bu gün də Azərbaycanın yanındadır

Bu gün müdafiə naziri general-polkovnik Zakir Həsənov ilə Türkiyənin milli müdafiə naziri cənab Hulusi Akar arasında telefon danışığı olub.

Banker.az Müdafiə Nazirliyinə istinadən xəbər verir ki, general-polkovnik Z.Həsənov Ermənistan tərəfinin Azərbaycan-Ermənistan dövlət sərhədinin Daşkəsən, Kəlbəcər və Laçın istiqamətlərində genişmiqyaslı təxribatı nəticəsində baş verən döyüş toqquşması barədə həmkarını məlumatlandırıb və qarşı tərəfin bu addımlarının qarşısının qətiyyətlə alındığını bildirib.

Cənab H.Akar öz növbəsində Ermənistan silahlı qüvvələrinin törətdiyi təxribat nəticəsində hərbi qulluqçularımızın şəhid olması ilə bağlı başsağlığı verib, yaralılara şəfa diləyib.

H.Akar Türkiyənin həmişə olduğu kimi, bu gün də Azərbaycanın yanında olduğunu qeyd edib.

Telefon danışıqları zamanı hər iki qardaş ölkənin müdafiə nazirləri yaranmış vəziyyətlə bağlı geniş fikir mübadiləsi aparıblar.

Son xəbərlər
 ⁠
Digər xəbərlər