“Hyundai” şirkəti yeni “Kona” krossoverinin yeni nəslinin elektrik variantını təqdim edib. Avtomobil sələfindən daha uzun, enli və hündürdür. Elektrokarın dekorasiyasının özəlliyi qabaqda və arxada işıq saçan elementlərdəki “piksel” elementlər olub.
Banker.az bu barədə “Kommersant”a istinadən xəbər verir.
İnteryer iki 12.3 düymlük displey və digər elementlərlə brendin müasir modelləri üslubunda hazırlanıb. “Kona Electric”in 48.4 kVt/saat batareyaya və 156 at gücündə mühərrikə malik “Standard Range” versiyası 392 km-ə qədər məsafə qət edə bilir.
Avtomobilin 65.4 kVt/saat batareyaya və 218 at gücündə mühərrikə malik “Long Range” versiyası isə 490 km-ə qədər məsafə qət edir. Krossover artıq Cənubi Koreyada mövcuddur, onun digər bazarlara 2023-cü ilin yazında çıxması gözlənilir.
